［迎戰👊🏻］
故事背景：大哥因模擬升小的記憶遊戲（默書）表現不佳而有強烈的負面情緒⋯
媽：你知道點解老師要畀你玩記憶遊戲？
哥：因為他想知道我叻唔叻囉！
媽：唔係啊！反而係老師想知道他們教得好唔好！
哥不明白，媽再說：
如果老師教得好，咁應該多小朋友啱，如果老師教得唔好，咁就多小朋友錯。如果太多小朋友錯，也可能係老師問得太難。
爸爸媽媽覺得這次記憶遊戲問得太難啦！你錯係正常！但你一句句子五個詞語識左兩個，都已經比上次錯哂有進步啦！
哥若有所思，媽又說：
而家嘅記憶遊戲，還是將來小學嘅默書考試測驗，同你學roller一樣，係同自己比賽，如果上次跌十次，今次跌五次，都係進步，贏左自己；咁默書考試識幾多字都係一樣，上次錯三個，今次錯一個，一樣進步了。如果錯得多，一係就太難，一係就你未夠準備，下次咪繼續努力囉！
最後大哥還是沒有說話，但我相信他應該要時間消化。唯有經歷，才能更明白和看化。我知道我不能永遠保護孩子，讓他活在溫室裡，社會學校的要求也許有過份了的地方，但我還是想讓他試一試，努力找出正面適應的方法。當然，他太吃力的話，我會再想辦法或另闢蹊徑讓他慢下來。
不過，這次對話後起碼他沒有再說自己無用、唔叻，也沒有生氣得打自己、打東西，反而間中告訴我不同phonics的發音例子，相信他更明白我讓他學phonics的原因，也如學roller一樣，他知道要學習怎樣跌倒，再想辦法爬起來。
❣️升小的日子快到了，我們母子倆一起迎難而上吧！祝福各位明天有好消息！
📌感謝一些富經驗的姊妹朋友教我怎樣開導孩子🙏🏻
Search